20.5.14

την πατρίδαμ' έχασα

pontos_969494604.jpg
Το συγκινητικό τραγούδι για τη Γενοκτονία των Ποντίων "Την πατρίδαμ΄ έχασα" στιχουργός του τραγουδιού ήταν ο αείμνηστος Χρήστος Αντωνιάδης.

Την πατρίδαμ' έχασα,
άκλαψα και πόνεσα.
Λύουμαι κι'αρόθυμο, όι-όι
ν' ανασπάλω κι' επορώ.

Ρεφραίν:
Μίαν κι' άλλο ΄σην ζωή μ'
σο πεγάδι μ' σην αυλή μ'.
Νέροπον ας έπινα, όι-όι
και τ' ομμάτα μ' πλυνα.

Τά ταφία μ' έχασα
ντ' έθαψα κι' ενέσπαλα.
Τ' εμετέρτς αναστορώ, όι-όι
και ΄ς σο ψυόπο μ' κουβαλώ.

Ρεφραίν...
Εκκλησίας έρημα,
μοναστήρα ακάντηλα,
πόρτας και παράθυρα, όι-όι
επέμναν ακρόνυχτα.

Στίχοι: Χρήστος Αντωνιάδης
Μουσική: Κώστας Σιαμίδης
Πρώτη εκτέλεση: Αχιλλέας Βασιλειάδης &; Γιάννης Κουρτίδης


Δημοσίευση σχολίου
Related Posts Plugin for WordPress, Blogger...